count down ..

الامور لا تسير علي ما يرام اطلاقا ..و دايما بحاول امشي شبح ان فيه count down بدأ او هيبدأ و انى هضطر و او هيحصل انى ازعل و امشي و اقطع علاقتى او اخفها بناس بحبهم ..

بس فعلا يعنى ليه انا بس اللي اتغيير ..ليه انا بس اللي المفروض اضبط حياتى و طريقة تفكيري و كلامى علي اللي هما عايزينه 

امبارح كان بيدور في دماغى سؤال مهم يا ترى انا مستحقش للدرجة دى ان حد يتغيير علشان يكون مناسب اكتر لتفكيري و حياتى 

انا بس اللي مضطرة اتغيير ..

مش عارف الناس بتحسبها ازاى ..

بس انا مش مبسوطة و يبدو انى هفضل فترة طويلة مش مبسوطة ..و فيه حاجات كتير جدا جدا كان نفسي تحصل و مش بتحصل و شايفة ان دة تقصير في حقى بس طبعا مش هنروح نقول انه تقصيره لان حتى لو الحاجات دى اتعملت انا مش هتبسط بيها ..

هضغط علي نفسي اكتر و احاول اتقبل كل الحاجات اللي مش بحبها و ابطل في الحاجات اللي طبيعى انا مقتنعة انها المفروض تحصل ..بس السؤال هنا انا هفضل اعرف اعمل دة لحد امتى ؟!

هتيجى لحظة الانفجار و عدم الرضا امتى ؟!

محدش عارف و بحاول اخليها متجييش و متحصلش بس يبدو انها للاسف ممكن تحصل من غير ما اخ بالي و ممكن تكون لحظة الانفجار حصلت ..

الاسؤ انى مش محددة انا عايزة ايه و لا بعمل ايه و لا محتاجة ايه ..

كنت مقتنعة انه اكيد مفيش استثنائات و ان كلهم هيخذلونى بس كنت مختارة اصدق انه استثناء ..

بس طبعا مطلعش استثناء ..و رسميا مفيش راجل في حياتى حطيت عليه امال معينة غير لما خذلنى ..

طبعا فيه اختلاف للظروف و الحاجات و المواقف بس النتيجة واحدة ..انا مش زعلانة من نتيجة متوقعة ...انا زعلانة من نفسي انى لسه بستنى و لسه محتاجه حاجة من حد و لسه مش عارفة ابقي قوية كفاية ..

يارب انا مش عاوزة حاجة من حد تانى ..انا عايزة ابقي قوية كفاية ..